Ózbekstan Respublikasınıń 2026-jıl 5-yanvardaǵı PQ-1 sanlı qararı orınlanıwın támiyinlew boyınsha !

Ózbekstan Respublikasınıń 2026-jıl 5-yanvardaǵı PQ-1-sanlı qararınıń orınlanıwın támiyinlew sheńberinde Respublika xalqına narkologiya xızmetlerin jáne de jaqsılaw maqsetinde Respublikalıq qánigelestirilgen ruwxıy salamatlıq ilimiy-ámeliy medicina orayı narkologiya xızmeti boyınsha Qaraqalpaqstan Respublikası filialı narkolog shıpakeri R. Atanazarov Bozataw rayonı Kóksuw MPJ hám rayonlıq hushyorxanalarǵa bardı.

Rayon narkolog shıpakeri A. Samenderova menen birgelikte puqaralarǵa jámiyetlik orınlarda hám turaq jaylarda qáwipsiz ortalıq jaratıw, puqaralardıń ómiri, densawlıǵı hám múlkine hár qanday topılıslardıń aldın alıw maqsetinde tiyisli taraw qánigeleri tárepinen profilaktikalıq túsindiriw jumısları ámelge asırıldı.

Sapar dawamında rayonlıq narkolog kabinetleriniń baslanǵısh buwın xızmetiniń qay dárejede jolǵa qoyılǵanlıǵı, esapta turıwshı nawqaslarǵa zárúr ambulator emlewlerdiń alıp barılıwı, medicinalıq hújjetlerdiń júrgiziliwi, dinamikalıq baqlawdaǵı nawqaslardıń toparlarǵa ajıratılıw procesi, olardıń diziminiń muwapıqlıǵı, D-MED elektron sistemasına ótiw normativlik hújjetlerdiń júrgiziliwi, SanPin boyınsha tazalıǵı, kemshilik hám mashqalalar úyrenildi, anıqlanǵan kemshilikler birgelikte tallandı hám puqaralarǵa medicinalıq xızmet kórsetiw sapasın jáne de jaqsılaw boyınsha kerekli kórsetpeler berildi.