Korrupciyaǵa qarsı gúresiw – jámiyet salamatlıǵına áhmietli qádem

9-dekabr – “Xalıqaralıq korrupciyaǵa qarsı gúresiw kúni” múnásibeti menen Respublikalıq qánigelestirilgen ruwxıy salamatlıq ilimiy-ámeliy medicina orayınıń narkologiya xızmeti boyınsha Qaraqalpaqstan Respublikası filialında ilaj ótkerildi.

Ilajda filial direktori A. Esboganova hám basqalar elimizde korrupciyaǵa qarsı gúresiw baǵdarında ámelge asırılıp atırǵan jumıslar, korrupciyalıq jaǵdaylardıń aldın alıw, jámiyetshilik arasında onıń unamsız aqıbetleri hám nızamda belgilengen jaza normaları haqqında tolıq maǵlıwmatlar berip, qatnasıwshılardı bunday illetlerden awlaq júriwge shaqırdı.

Sonday-aq, hár bir medicina xızmetkeri óz jumısı dawamında kásiplik etikaǵa, hadallıq hám ashıq-aydınlıq principlerine qatań ámel etiwi haqqında da sóz boldı.