Xorezmde tájiriybe hám ámeliy járdem saparı: RQRSIAMO qánigeleri narkologiya xızmetiniń nátiyjeliligin úyrendi

📍 Usı jıldıń 22-oktyabr kúni Respublikalıq qánigelestirilgen ruwxıy salamatlıq ilimiy-ámeliy medicina orayınıń direktorı Z.Sh. Ashurovtıń No136-sanlı buyrıǵına muwapıq, oraydıń bir topar qánigeleri xızmet saparına jol aldı.

⏺ Usı buyrıq tiykarında, 2025-jıldıń 23-25-oktyabr kúnleri dawamında Náshebentlik hám záhárleniwlerdi emlew bólimi baslıǵı R.A. Valiev hám oraydıń Qaraqalpaqstan Respublikası narkologiya xızmeti boyınsha filialı direktorı A.D. Esboganovalar Xorezm wálayatına xızmet saparına shıqtı.

Sapardıń tiykarǵı maqseti – Respublikalıq qánigelestirilgen ruwxıy salamatlıq ilimiy-ámeliy medicina orayınıń Xorezm wálayatındaǵı narkologiya xızmeti filialı tárepinen xalıqqa kórsetilip atırǵan medicinalıq xızmettiń sapası hám nátiyjeliligin úyreniw, sonday-aq, jergilikli qánigelerge ámeliy járdem kórsetiwden ibarat edi.

🛡 Qánigeler sapar dawamında filial jumısı menen jaqınnan tanıstı, narkologiyalıq járdem kórsetiw processlerin talladı hám bar tájiriybeler menen ortaqlastı. Sapar nátiyjeleri tiykarında tarawdaǵı xızmet nátiyjeliligin arttırıw boyınsha bir qatar ámeliy usınıslar islep shıǵıldı.