Rossiya Federaciyasınıń Samara qalasında xalıqaralıq qatnastaǵı Ózbekstan-Rossiya forumı bolıp ótti

🌐 8-9-oktyabr sánelerinde Rossiya Federaciyasınıń Samara qalasında xalıqaralıq qatnasıwdaǵı “Evroaziya aymaǵında ruwxıy salamatlıqtı qorǵaw: global maqsetler hám háreketler” atamasındaǵı Birinshi Ózbekstan-Rossiya forumı bolıp ótti. Forum Ózbekstan Respublikası Densawlıqtı saqlaw ministrligi hám Rossiya Federaciyası Densawlıqtı saqlaw ministrligi, sonday-aq, eki mámlekettiń jetekshi taraw mákemeleriniń járdeminde ótkerildi.

✅ Forumǵa Respublikalıq qánigelestirilgen ruwxıy salamatlıq ilimiy-ámeliy medicina orayınıń narkologiya xızmeti boyınsha Qaraqalpaqstan Respublikası filialı  bas shıpakeri Esboǵanova Aygúl Dáribaevna hám filial Narkologiya xızmeti ıqtıyarlı emlew bóliminiń baslıǵı, narkolog shıpaker Qayıpnazarov Bóribay Qalqanazarovich qatnasıp qayttı.