Zıyanlı ádetlerge qarsı ruwxiy aǵartıwshılıq ilajı bolıp ótti

➤ Ózbekstan Respublikası Prezidentiniń 2025-jıl 3-noyabrde qabıl etilgen “Xalıqtıń salamatlıǵın hám de millet genofondın náshebentlik hám narkojınayachılıqtan nátiyjeli qorǵaw boyınsha kompleksli is-ilajlar haqqında”ǵı PP-207-sanlı qararınıń orınlanıwın támiyinlew maqsetinde profilaktikalıq ilajlar alıp barılmaqta.

Usı sheńberde Nókis qalasındaǵı 53-mektepte Respublikalıq Keńeytilgen ruwxıy salamatlıq ilimiy-ámeliy medicinalıq orayınıń Narkologiya xızmeti boyınsha Qaraqalpaqstan Respublikası filialı qánigeleri – vrach-narkolog A.Jalilov, feldsherler D.Perdebaev hám K.Atamuratov tárepinen oqıwshılar ushın aǵartıwshılıq-profilaktikalıq lekciya ótkerildi.

✅ Ilaj dawamında jaslar arasında salamat turmıs tárizin qáliplestiriw, temeki shegiw hám onıń insan salamatlıǵına unamsız tásiri, sonday-aq, náshebentlik hám basqa da zıyanlı ádetlerdiń awır aqıbetleri haqqında hár tárepleme maǵlıwmat berildi. Oqıwshılarǵa temalar boyınsha málimleme bukletleri tarqatılıp, soraw-juwaplar arqalı jedel sóylesiw alıp barıldı.

Bul ilajda RAIBDO wákili Allakbaeva A. da qatnasıp, jaslar arasında huqıqbuzarlıq hám zıyanlı ádetlerdiń aldın alıw boyınsha túsinik jumısların alıp bardı.

Bunday profilaktikalıq ilajlar jas áwladtı salamat, sanalı hám bárkamal etip tárbiyalawǵa xızmet etedi.