Tórtkúl rayonı hushyorxonasi hám “Doslıq” MPJ da ushrasiw ótkerildi

Ózbekstan Respublikasınıń 2025-jıl 3-yanvardaǵı PQ-1-sanlı qararınıń orınlanıwın támiyinlew sheńberinde Respublika xalqına narkologiyalıq xızmetlerdi jáne de jaqsılaw maqsetinde 2025-jıl 28-iyul kúni Respublikalıq qánigelestirilgen ruwxıy salamatlıq ilimiy-ámeliy medicina orayı narkologiya xızmeti boyınsha Qaraqalpaqstan Respublikası filialı direktorı A.Esboganova hám filial shıpakeri A.Djalilov Tórtkúl rayonı hushyorxonasi hám “Doslıq” MPJǵa barıp, puqaralarǵa jámietlik orınlar hám turaq jaylarda qáwipsiz ortalıq jaratıw, puqaralardıń ómiri, densawlıǵı hám múlkine hár qanday topılıslardıń aldın alıw maqsetinde tiyisli taraw qánigeleri tárepinen profilaktikalıq túsindiriw jumısları ámelge asırıldı.

Bunnan tısqarı, sapar dawamında rayon quramındaǵı más halındaǵı puqaralarǵa medicinalıq xızmet kórsetiw punktleriniń jumısı, birlemshi keselliklerdi erte anıqlaw, dári-dármaqlar támiynatı, jaratılǵan sharayatlar, kemshilikler hám mashqalalar, protokollar júrgiziliwi hám basqa da hújjetler júrgiziliwi úyrenilip, anıqlanǵan kemshilikler hám qáteler dodalandı. Sapar etiw sońında qánigeler tárepinen juwapker xızmetkerlerge nawqaslarǵa medicinalıq xızmet kórsetiwdiń sapasın bunnan bılay da jaqsılawǵa qaratılǵan usınıslar berildi.