Call-oraydan puqaralar sırı saqlanǵan halda ózlerin qızıqtırǵan sorawlarına juwaplar alıwı, narkologiyalıq xızmetinen paydalansa boladı.

Ózbekstan Respublikası Prezidentiniń 2020-jıl 27-oktyabrde «Narkologiyalıq kesellikler profilaktikası hám olardı emlew haqqında»ǵı ÓRN-644-sanlı Nızamı (https://lex.uz/ru/docs/5069150?ONDATE=29.01.2021%2000)qabıl etilgen edi.

Pármanǵa muwapıq, Respublikalıq qánigelestirilgen ruwxıy salamatlıq ilimiy-ámeliy medicina orayınıń narkologiya xızmeti boyınsha Qaraqalpaqstan Respublikası filialı tárepinen mámleketimizde xalıqtıń salamatlıǵı hám millet genofondına ayrıqsha qáwip salıp atırǵan náshebentlik illetine qarsı gúresiw hám oǵan sebep bolıp atırǵan shólkemlesken narkojınayatshılıqtı saplastırıwǵa qaratılǵan bir qatar ilajlar ámelge asırılmaqta.

Al, jaqında ǵana jáne bir áhmiyetli Párman, yaǵnıy Ózbekstan Respublikasında náshebentlik hám narkojınayatlarǵa qarsı gúresiw boyınsha 2024 – 2028-jıllarǵa mólsherlengen milliy strategiyanıń tiykarǵı maqsetlerine erisiw, náshebentlik hám shólkemlesken narkojınayachılıqqa qarsı gúresiw jumısın sapa jaǵınan jańa basqıshqa alıp shıǵıw arqalı xalıqtı, birinshi gezekte, jaslardıń salamatlıǵın hám millet genofondın nátiyjeli qorǵaw boyınsha kompleksli ilajlardı belgilew maqsetinde Ózbekstan Respublikası Prezidentiniń 2025-jıl 3-noyabrda “Xalıqtıń salamatlıǵı hám millet genofondın náshebentlik hám narkojınayatlardan nátiyjeli qorǵaw boyınsha kompleksli ilajlar haqqında”ǵı PP-207-sanlı Pármanı (https://lex.uz/docs/7818774) qabıl etildi.

Mine bul Párman hám Nızamlardıń áhmiyeti – xalıqtıń salamatlıǵın qorǵaǵan halda, náshebentlik hám narkojınayatlarǵa qarsı gúresiw boyınsha elede keń kólemli ilajlardı ámelge asırıwdan ibarat.

Usınday ilajlardıń biri xalıqtıń sırı saqlanǵan halda narkologiyalıq járdem alıw imkaniyatı jaratılǵan. Yaǵnıy, konfidencial narkologiyalıq másláhát beriw boyınsha telefon nomeri (55) 104-97-91Call-oray iske túsirildi. Bunda puqaralar sırı saqlanǵan halda ózlerin qızıqtırǵan sorawlarına juwaplar alıwı, narkologiyalıq xızmetinen paydalansa boladı.

Siz videoda tiyisli qánigeden tolıq maǵlıwmat alıwıńızǵa boladı