“Biz korrupciyaǵa qarsımız!” atamasında sáwbet ótkerildi

Respublikalıq qánigelestirilgen ruwxıy salamatlıq ilimiy-ámeliy medicina orayınıń narkologiya xızmeti boyınsha Qaraqalpaqstan Respublikası filialında Mámleketimizde korrupciyaǵa qarsı gúresiw boyınsha Prezidentimiz tárepinen qabıl etilip atırǵan pármanlar hám húkimetlik qararlardıń mazmun-áhmiyetin keńnen túsindiriwge baǵıshlanǵan ilaj bolıp ótti.

Ilajda Qaraqalpaqstan Respublikası Nókis rayonı Ishki isler bólimi baslıǵı birinshi orınbasarı Z. Saparbaev hám Respublikalıq qánigelestirilgen ruwxıy salamatlıq ilimiy-ámeliy medicina orayınıń narkologiya xızmeti boyınsha Qaraqalpaqstan Respublikası filialı medicina xızmetkerleri qatnastı.

Ilajda shıǵıp sóylewshiler, mámleketimizde korrupciyaǵa qarsı gúresiw boyınsha Prezidentimiz tárepinen qabıl etilip atırǵan pármanlar hám húkimetlik qararlardıń áhmiyetine toqtap ótip, rawajlanıwdıń jańa basqıshına qádem qoyıp atırǵan Ózbekstan ushın korrupciya illetiniń hár qanday túrdegi kórinisi ámelge asırılıp atırǵan reformalardıń nátiyjesine keri tásirin tiygizetuǵının atap ótti.

Atap ótilgenindey, korrupciyanıń aldın alıwda hám oǵan qarsı gúresiwde bir yaki eki mámleketlik uyımlardıń is-háreketleri menen unamlı nátiyjege erisip bolmaydı. Sonlıqtan, bul baǵdarda huqıq qorǵaw uyımları, mámleketlik shólkemler menen birgelikte barlıq puqaralarımız hám jámiyetlik qadaǵalaw institutlarınıń imkaniyatlarınan da keńnen paydalanıwımız zárúr.

Ilaj sońında qatnasıwshılar ózleri qızıqtırģan sorawlarına juwap aldı